حطي سكيوريتى علي مشاعرك و مش اي كلمة من اي حد تسمحي لها تاخد من مشاعرك
لإن في الحقيقة الكلمة هي مجموعة حروف تتقال او تتكتب وبس
الكلمة ما تقدرش تعمل اكتر من كدا, احنا اللي بنديلها صلاحيات تعمل ما بدالها
فينا وف يومنا وحياتنا كلها.. ونرجع نقول الكلام بيوجع ! !
الكلام لوحده ما بيوجعش اللي بيوجع هو المشاعر اللي اديتها للكلمة
لما حد بيقول عليكي صفة معينة بتبدأى تشوفي نفسك من خلال الصفة دي ومرة ف مرة بتصدقي انها انتى .. الا لو سكيوريتي المشاعر عندك شغال كويس.
و طالما الكلمة ليها تأثير جامد كدا علينا طيب ما نستغلها بقي
.بمعنى لو صدقت ان خطي جميل هيبقي جميل , لو صدقت اني اقدر, انى قوية , اني جميلة , انى ملهمه , انى شاطره , اني منظمه , اني مبسوطة , انى متسامحه , انى ليا بصمه ,
لو صدقتيها هتكونى كدا فعلا
"مش مطلوب منك غير انك تصدقي الكلمة اللي عايزة تكونى عليها"
0 comments:
Post a Comment