لما تقرري إنك تاخدي خطوة في حياتك خلي هدفك هو اللحظة اللي انتي فيها
وإية الاسباب المتاحة ليكي دلوقتي و هتساعدك توصلي لهدفك
إوعي يكون هدفك توصلي للنتيجة وبس لإن ده هيخليكي متضايقة من الطريق
ومش حباه لأنك مش عايزة تسعي انتى عايزة النتيجة وخصوصا لو الطريق طويل شوية عن توقعك بتضايقي اكتر
خليكي شخصية راقية
جمال الهدف والحلم وفرحتك بتحقيقه بيكون في الطريق اللي عديتيه علشان توصلي لهم ، وعلى قد ما كنتي مبسوطة وانتي في الطريق على قد ما بتحسي ان الهدف كان ميسر لك وسهل
ذي بالظبط لو طلعتي رحلة ، ينفع تسافري بعربية تعبانة والجو حر ومن غير ما تتكلمي مع حد في الطريق يسليكي او من غير مياه ولا حلويات وأكل ؟ !
🍨🍭🍮
هتحسي ان الطريق طووويل وبعد ما توصلي هتقولي ياااااه دي المسافة بعيدة اوي ومش هتبقي حابه تكرري السفرية
قولي لنفسك بحب طريقي وهدلعه
اهو ده بالظبط اللي بيحصل معاكي في هدفك , جملي طريقك و روقيه وحطي حاجات تسليكي و تجمل إحساسك بالوقت ،استمتعي بكل دقيقة فيه ، لإن الطريق أطول من النتيجة
وافتكري آيات
- وَأَنْ لَيْسَ لِلْإِنْسَانِ إِلَّا مَا سَعَى ؛ وَأَنَّ سَعْيَهُ سَوْفَ يُرَى ؛ ثُمَّ يُجْزَاهُ الْجَزَاءَ الْأَوْفَى
- {وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا }
يعنى خلي عندك ثقة في ربنا ، انه هيساعدك توصلي طالما بتاخدي بالاسباب اللي قال عليها وعندك حسن ظن به
حطي هدف+ خدي بالأسباب المتاحة الآن + استمتعي باللحظة + احسني الظن وتفائلي = يقين هتوصلي
0 comments:
Post a Comment