العادي اننا كل يوم بنروق البيت ونغسل مواعين و بنطبخ وهَلُمَّ جَرّا 

واوقات كتير بنعمل كدا واحنا متضايقين وعايزين نخلص ونجري

وطبعا انا أولكم ^_^ ولكن فكرت النهارده احنا ليه بنجري بقى !
ممكن علشان عايزين نشوف حاجات تانية اهم من كدا ؟ !
مثلا ذي المذاكرة أو عايزة ألحق حلقة مباشرأو أصلي أو اقرأ كتاب

أو اي حاجة تانية بس مين قال ان أي شغل بعمله ف البيت

اقل في الاهمية أو الثواب من اي حاجة عايزين نخلص علشان نعملها
علي فكره احنا ممكن ناخد نوايا كتير جدا واحنا بنشتغل ونفكر
في البيت بطريقة مختلفة تخلينا نحب نشتغل وناخد ثواب كبير بردو

وعلي سبيل المثال لا الحصر :
- انفق يا ابن ادم انفق عليك وانا هنفق من وقتى وصحتى

- ما نقص مال من صدقة يعنى وقتى وصحتى هيزيدوا

- الكرما ( كما تدين تدان) زي ما ساعدت في البيت ربنا هيبعتلي اللي يساعدنى ف حاجة تانية أو ييسرها ليا

- الله في عون العبد ما دام العبد في عون اخيه : دا لما تساعدى حد 

في شغل البيت مثلا ؟ !! بالظبط كدا

- النظافة من الايمان . دي بقى حفظناها علي سور المدارس
ومن موقعي اليوم فهمت ما يلي ذكره ^_^

- اي حاجة مش بحب اعملها لو حطيت لها نوايا حلوة هحب اعملها حتى لو مكنتش بحبها هي نفسها

- التسويف ده حاجة اعوذ بالله يعنى

- روقي نفسك وانتى بتشتغلي بلاش دور خالتى مقشة اللي بيظهر اول ما يسمع كلمة مياه وصابون

-بفكره صغيره تتغير حاجات كتير واحنا ممكن نعمل كدا مع اي حاجة في حياتنا انا بس قلت علي البيت لأنه بيتكرر كل يوم وأكتر من مرة كمان

- اسمعى اغنية فاعل خير لموبينيل عشان تحسي قد ايه الحاجة الصغيرة بتفرق في اثرها

وعلى فكره فاعل الخير مش لازم يكون فاعله برا البيت , بيمشي جوا بردو وربنا